Спорт • 20 Мамыр, 2020

Хоккей: Қазақстан әлем чемпионатында Канадамен бір топта ойнайды

140 реткөрсетілді

Халықаралық шайбалы хоккей федерациясының ресми сайтында 2021 жылы өтетін хоккейден әлем чемпионатының жеребесі жарияланды. Келесі жылғы жаһан біріншілігі 7-23 мамыр аралығында Беларусь және Латвияда ұйымдастырылады.

Жеребеге сәйкес, шайбалы хоккейден Қазақстан құрамасы В тобында АҚШ, Канада, Финляндия, Германия, Латвия, Норвегия және Италия құрамаларымен сынға түседі. В тобының ойындары Латвия астанасы Ригада өтеді.

Элиталы дивизионның А тобында Ресей, Швеция, Швейцария, Чехия, Словакия, Дания, Ұлыбритания және жарыс қожайындары Беларусь құрамалары бақ сынайды. Бұл топтағы матчтар Беларусь астанасы Минскіде ойналады. Сондай-ақ аталған екі қалада ширек финалдың екі кездесу өтеді деп жоспарланған.

Айта кетелік, 2020 жылғы әлем чемпионаты Швейцарияның Цюрих пен Лозанна қалаларында өтуі тиіс болатын. Алайда 22 наурызда коронавирус індетіне байланысты биылғы біріншілік өтпейтіні белгілі болды.

Соңғы жаңалықтар

Covid-19: Тағы 1 адам қайтыс болды

Коронавирус • Кеше

Covid-19: Тағы 184 адам жазылды

Коронавирус • Кеше

...Түкті кілем, көк кілем

Аймақтар • Кеше

Ғасыр зұлматы

Қоғам • Кеше

Құрдым (төрттаған)

Әдебиет • Кеше

Ұқсас жаңалықтар