Қостанай облысында 30 білім ғимараты күрделі жөндеуден өтеді

Аймақтар • 20 Мамыр, 2020

Қостанай облысында 30 білім ғимараты күрделі жөндеуден өтеді

9 рет көрсетілді

Білім басқармасының мәліметінше, биыл аймақта жалпы сомасы 13,1 млрд теңге қаржыға 3 мектеп салынып, 30 білім ғимаратына күрделі, 102 нысанға кезекті жеңіл жөндеу жұмыстары жүргізіледі. Ауқымды жобалар «Жұмыспен қамтудың жол картасы», «Ауыл - Ел бесiгi» бағдарламалары арқылы және жергілікті бюджет есебінен қаржыландырылмақ.

Нұрқанат ҚҰЛАБАЕВ

«Жұмыспен қамтудың жол картасы» бағдарламасы аясында облыста 2020 жылғы құрылыс жобалары мен күрделі және жеңіл жөндеуден өтетін нысандар тізімі жасалған. Бұл тізімге жалпы сомасы 9,2 млрд теңге болатын 35 инфрақұрылымдық жоба еніп отыр. Бағдарламаны жүзеге асыру барысында 2300 уақытша жұмыс орны ашылмақ.

Мәселен, Қарасу ауылындағы апатты жағдайда тұрған білім ошағының орнына таяуда 320 орындық жаңа мектеп құрылысы басталады. «Жұмыспен қамтудың жол картасы» аясында жүзеге асырылатын бұл жобаның құны – 1.3 млрд теңге. Жаңа мектептің құрылысы биыл желтоқсан айына дейін аяқталмақ.

Білім нысандарын күрделі жөндеуден өткізу бойынша аймақта қазірше жалпы құны 7,4 млрд теңге болатын 23 жоба жоспарланып отыр.

Қостанай облысы

Күннің маңызды және өзекті жаңалықтарын «Егемен Қазақстан» телеграм каналынан оқыңыз