Руханият • 22 Мамыр, 2020

Ақтөбеліктер көмегі

18 рет көрсетілді

Ақтөбе облысының «Жүректен – жүрекке» қайы­рым­дылық тобының мүшесі Әлішер Садықтың сөзіне қарағанда, Мақтааралға көмекке келген ақтөбелік во­лонтерлердің жұмысы үлгі аларлықтай.

– «Жүректен – жүрекке» қа­йы­­рымдылық тобының құрыл­ға­нына 5 жыл болды. Басында 17 адаммен өңірдегі мұқтаж от­ба­сы­ларға көмектесетінбіз. Бүгінде қатарымызда 120-ға жуық адам бар. Бұған дейін Қарағанды облысында су тасқыны, Арыста жарылыс болғанда ақтөбеліктердің атынан көмектестік. Ақтө­бе­де де су тасқыны болып, қолы­мыз­дан келгенше жәрдем бер­дік. Мақтааралдағы ағайынның жағ­да­йын естігенде де көмектесуді мін­детіміз деп санап, жолға қамдандық. Облыс бойынша түрлі акциялар жариялап, киім-кешек, қаражат, азық-түлік жинауды бастап кеттік. Өңірдегі жүк машиналары бар азаматтар орталық мешіттің алдына жиналып, тұрғындар әкелген көмек қорын сонда тиедік, – дейді Ә.Садық.

Оның айтуынша, Ақтөбе қаласынан – 22, Арал қаласынан 3 жүк көлігі жол­ға шыққан. Олар 2 күн жүріп, 3-ші күні діттеген жер­ле­рі­не жеткен.

– Ондағы халықтың жағ­да­йын көзімізбен көріп, қолы­мыз­дан келгенше қолғабыс етуге тырыстық. Топтың төрт мүшесі заттарды қоймаға тасуға жәрдемдесіп, ауылдарды аралап, ондағы еңбекке араластық. Ақтөбе облысынан 3 млн теңгеге жуық, Алға ауданынан 2,5 млн теңгеге жуық ақша жиналды. Одан бөлек, қайырымдылық тобы 500 мың теңге жинай алды. Барлық ақша имамдарға тапсырылды, – дейді ақтөбелік волонтер.

Соңғы жаңалықтар

Ұлттың батыр ұланы

Қазақстан • Кеше

Шекарада шектеу бар

Қазақстан • Кеше

Ұқсас жаңалықтар