![Батыс Қазақстан облысында тағы 8 адам коронавирус жұқтырған](/media/2020/05/22/test_korona-900x_.jpeg)
- Ресей Федерациясымен шекарадағы Сырым автоөткеліндегі санитарлық-карантиндік бекетте эпидемиолог мамандар байланыссыз термометрия жасап, сауалнама жүргізу кезінде азаматтардың денсаулыққа шағымдары болмаған. Алгоритмге сәйкес, СКП эпидемиологтары жедел жәрдем шақырып, олар карантиндік стационарға жатқызылды. Сонымен қатар, 5 пациент өздеріне дейін коронавирус инфекциясын жұқтырған адамдармен қарым-қатынаста болғаны үшін зертханалық сынама алынған, - делінген хабарламада.
Белгілі болғандай, ПТР диагностикалық зерттеу қорытындысы бойынша барлығында COVID-19 диагнозы нақтыланып, облыстық жұқпалы аурулар ауруханасына орналастырылған. Науқастармен қарым-қатынаста болған адамдар анықталып, барлығы медициналық бақылауға алынды. Ауру ошақтарында дезинфекциялық жұмыстар жүргізілді. Қазір эпидемияға қарсы шаралар жалғасуда. Өткен тәуліктегі жағдай бойынша облыста коронавирусты жұқтырған жалпы 360 адам тіркелді.