«Жұмыспен қамту жол картасы» бағдарламасына қалай қатысады?

Аймақтар • 22 Мамыр, 2020

«Жұмыспен қамту жол картасы» бағдарламасына қалай қатысады?

18 рет көрсетілді

Бүгін қалалық штаб волонтерлері бірқатар ірі сауда орталықтары мен халық көп жиналатын орындарда болды. Басты мақсат – азаматтарға «Жұмыспен қамту жол картасы – 2020-2021» бағдарламасының артықшылықтарын түсіндіру деп хабарлайды Нұр-Сұлтан қаласы әкімдігінің ресми сайты.

Egemen Qazaqstan

«Бүгін біз көптеген адамдармен кездесіп, олармен сөйлесуге мүмкіндік алдық. Шынында да, көптеген жұмыссыз жандар жұмыс табуға мүмкіндік беретін, лайықты жалақы алатын бағдарламаның барын білмейді. Біз көмекке жүгінгендердің барлығына қол ұшын созуға дайынбыз. Бұл бір реттік акция емес, мұндай үгіт-насихат тұрақты түрде жүзеге асады», - дейді ерікті Бақтияр Есентаев.

Айта кетсек, елордада «Жұмыспен қамту жол картасы - 2020-2021» бағдарламасы аясында 15 мыңнан астам адамды жұмыспен қамту жоспарланған. Қазіргі уақытта қалалық жұмыспен қамту орталығы мынадай алгоритм бойынша жұмыс істейді: орталық қажетті білікті мамандарды іріктеп, оларды жұмыс берушілермен әңгімелесуге жібереді.

Бүгінде жол картасы бойынша жалақы 85 мыңнан жоғары. Жұмыспен қамту жол картасы аясында 1,5 мыңға жуық адам жұмысқа орналасты. Әлеуметтік сала, тұрғын үй-коммуналдық шаруашылық, инженерлік және көлік инфрақұрылымы, сондай-ақ елді-мекендерді абаттандыру мақсатында инфрақұрылымдық жобаларды іске асыру жоспарланған.

Күннің маңызды және өзекті жаңалықтарын «Егемен Қазақстан» телеграм каналынан оқыңыз