Бүгін тәптіп сақшылары «Тұлпар», «Астаналық» сауда үйлері мен супермаркеттердің аумағында болып, түсіндіру жұмыстарын жүргізді. Қоғамдық орындарда маскасыз жүрген азаматтармен профилактикалық әңгімеден соң, полицейлер оларға маска берді. Келушілер жеке қорғаныш заттарын берген полиция қызметкерлеріне алғыс білдірді.
«Карантин режимі әлі сақталуда. Азаматтарға жеке қауіпсіздік шаралары туралы түсіндіріп, ұқыпты болып дүкендерде арақашықтық сақтауға шақырудамыз. Бүгін ескерту жұмысын жүргіздік. Алайда сауда үйлері карантин талаптарын сақтамаса, оларды ҚР ӘҚБК 462- бабы бойынша әкімшілік жауапкершілікке тартып, тіпті карантин режимін бұзған нысанды жабу туралы өтініш жолдаймыз», - деді Нұр-Сұлтанның Полиция департаментінің жергілікті полиция қызметінің басшысы Госман Жакин.
Полицейлер тұрғындарды үйден тек аса қажеттілік болған жағдайға ғана шығуға шақырады. Бұл профилактикалық шаралар азаматтардың қауіпсіздігі үшін жасалады.
«Біз тағы да елорда тұрғындары мен қонақтарына арақашықтықты сақтап, қолғап, санитайзерлерді пайдалану қажеттігін еске саламыз», - деді Жакин.
