Manga D’R’S’ — қызықты сюжеті бар жапон комикстері (манга) жанрындағы шығармалар топтамасы. Оның кейіпкерлерінің бірі ретінде әлемге белгілі әнші Димаш Құдайберген алынды. Онда әншінің концерттеріндегі суреттері манга форматында салынған. Осылайша Димаш Құдайберген өз мангасы бар әлемдегі ең алғашқы әнші болып отыр.
«Біз өмірі жарқын бояуларға толы ерекше кейіпкерлер іздедік. Димаш Құдайберген дәл біз іздеген кейіпкер болды. Өйткені бүгінде оның өнеріне әлем елдері сүйсінеді. Қай елде концерт берсе де сол елге баруға дайын жанкүйерлері өте көп», дейді жоба ұйымдастырушылары.
Кәсіби суретшілер бұл манганы жасауда дәстүрлі жапон мангасының барлық ерекшеліктерін сақтауға ерекше мән берген. Manga D’R’S’ шамамен 1 шілдеде сатылымға шыға бастайды.
