Технология • 25 Мамыр, 2020

Гаджетті жиі сүрткен де зиян

59 рет көрсетілді

Смартфон және басқа да электронды құрылғыларды күніне 1 реттен ар­тық дезинфекцияламау керек. Бұл Samsung компаниясының ресми сайтында гаджеттерді дезинфекциялауға қатысты арнайы материалда айтылды.

Кореялық компания арнайы зерттеу нәти­жесінде вирустар металдың және пластиктің бетінде екі-үш күнге дейін сақ­талатынын анық­таған. Сол себепті оны сүртіп отыру – шарт.

Смартфонды күн сайын бір мәрте тазалап тұрған жөн. Оны өзіңізден басқа біреу ұстаған жағдайда сол мезетте бірден ар­найы сұйық­тықпен сүртіп қойсаңыз, артық болмайды.

– Адамдар бір тәулік ішінде смартфонды орташа есеппен 52 мәрте қолына алады. Бірақ пандемияға байланысты бұл көрсеткіш әлдеқайда жоғарылап кетті. Сол себепті смартфонды дезин­фекция­лап отырудың да маңызы ар­та түсті, – делін­ген арнайы нұс­қау­лықта.

Гаджетті дистильденген су мен спирттің қо­сындысына батырылған жұмсақ матамен сүрту керек. Денинфекциялық салфетка мен антисептик те жарай береді.  Сүртер алдында девайсты міндетті түрде сөндіріп, бетіндегі сұйық толық кепкенше қоспау керек.

Нұсқаулықта айтылғандай, адам­дар көп жағдайда смарт­фонды ғана сүртіп, басқа гад­жет­терді тазалауға көңіл бөле бермейді екен. Шындығында iPhone Watch пен Samsung Watch сияқты қолсағаттар ең тез ластанатын гаджетке жата­тын­дықтан, оның да білезігін ағы­тып алып тастап, сағатының цифер­блатын сүртіп қойған дұрыс.

Ғалымдардың зерттеуіне қарағанда, смарт­фондардың COVID-19 вирусын тарату қаупі өте жоғары.

 

 

Соңғы жаңалықтар

Теріскейдің Самалы

Руханият • Кеше

Ұқсас жаңалықтар