Нигерияның «Боко Харам» қарулы тобы аталмыш елдің Йобе штатындағы ауыл шаруашылығы колледжінің 50 студентін атып кетті. Бұл туралы «Росбалт» сайты хабарлады.
Мұздай қаруланған «Боко Харам» тобы колледж жатақханасына кіріп, ұйықтап жатқан студенттерге оқ жаудырған. Сондай-ақ, колледждің иелігіндегі бірқатар ғимараттарды өртеген. Ал оқ тиген 50 студенттің қаншасы адам өліп, қаншасы жарақат алғаны туралы нақты мәлімет жоқ.
Йобе штатында осыған ұқсас жағыдай өткен шілде айында да орын алған болатын. Сол кезде 40 адам көз жұмған.
Жалпы, «Боко Харам» тобы Нигерия үкіметінен білім беру саласын шариғатқа негіздеу қажеттігін талап етуде. Ал, олар елдегі батыстық білім беру үлгісіне мүлде қарсы. Сондықтан да, аталған қарулы топ батыс үлгісінде оқытатын білім ошақтарына тыныштық бермеуде.
Жолдыбай Базар
