Аймақтар • 25 Мамыр, 2020

Атырау: Бір мыңнан аса әкімшілік хаттама толтырылды

147 рет көрсетілді

Полиция департаментінің қызметкерлері 20-23 мамыр аралығында «Есеп» жедел-профилактикалық  іс-шарасын өткізді. Тәртіп сақшылары әкімшілік учаскелерде  профилактикалық және тізімдік есепте тұрған тұлғаларды тұрғылықты мекенжайы бойынша тексеру жұмыстарын жүргізді.

– Мақсат отбасылық-тұрмыстық жағдайда, профилактикалық және тізімдік есепте тұрған тұлғалардың тарапынан жасалатын құқық бұзушылықтар мен қылмыстардың алдын-алу.  Іс-шара кезінде түрлі  құқық бұзған 150-ге жуық  адам профилактикалық және тізімдік есепке алынды. Сондай-ақ 47 қорғау нұсқамасы  шығарылды. Ал, 16 азаматқа сотпен ерекше талаптар белгіленді. Есепке алынғандар қатарында  56 маскүнем, 16 нашақор, 5 жайсыз отбасы бар, - деп хабарлады облыстық полиция департаментінің баспасөз қызметі.

Тәртіп сақшылары сот орындарына еріксіз емдеу мекемесіне орналастыру үшін 7 азаматқа қатысты, 1 азаматты шартты түрде мерзімінен бұрын босатудың күшін жоюға байланысты ұсыныстар жолдады. Сонымен бірге 1000-нан астам тұлғаға қатысты әкімшілік хаттама толтырды. Құқық бұзғандардың 30-ға жуығы отбасының тыныштығын алып,   60-тан астамы қоғамдық орындарда мас күйінде жүрсе, 70-ке жуық азамат ұсақ бұзақылық жасапты.

Соңғы жаңалықтар

Ұқсас жаңалықтар