Департаменттің мәліметінше оқиға кеше сағат 17.00 шамасында болған. Жасөспірім жігіт дарияның рұқсат етілмеген аумағына суға түскен көрінеді.
«Оқиға орнына 5 құтқарушы 1 автокөлік және 1 қайық барды. Құтқарушылар жедел әрекетке кірісіп, жасөспірімнің жансыз денесі сағат 18.49 шамасында жағаға шығарылды», – делінген хабарламада.
Облыс аумағында күн күрт ысып, салқындау үшін дария жағалайтындар көбейді. Сондықтан да мамандар суға түскенде қауіпсіздік шараларын барынша сақтауды сұрайды.
Жалпы, жыл басынан бері аймақта 8 адам суға кетіп отыр. Оның біреуі жасөспірім, екеуі бала, қалғаны ересек азаматтар.
