![Атырау: Коронавируспен күреске 1 млрд теңге жұмсалды](/media/2020/05/27/0ae04196ecc0be6d8559743baf996fcd.jpg)
– Коронавирус инфекциясымен күреске республикалық бюджеттен 500 млн теңге бөлінді. Шамамен осындай көлемдегі қаржы жергілікті бюджеттен де қаралды. Бұл қаражат мақсатты түрде жұмсалды, - деді облыс әкімі.
Әкімнің мәлім етуінше, демеушілер, кәсіпкерлер сондай-ақ, кәсіпорындар мен компаниялар да көмек көрсетіп отыр. Демеушілік қолдаудың нәтижесінде қажетті медициналық құрал-жабдықтар, жеке қорғаныс құралдары, дәрі-дәрмектер сатып алыныпты.
– Қонақ үйлерде демалған медицина қызметкерлерінің, карантинде жатқан азаматтар үшін жатын орнының ақысы төленді. Уақытылы тамақтандыру ұйымдастырылды. Бастапқыда 180 инфекциялық орын жасақталса, қазір бұл 540 орынға дейін көбейтілді. Сондай-ақ 300-ден асатын провизорлық орын, 2000-нан астам карантиндік орын жасақталды, - деді облыс әкімі Махамбет Досмұхамбетов.