Аймақтар • 27 Мамыр, 2020

Рудныйда зейнеткерді тонаған қарақшы ұсталды

36 рет көрсетілді

Кеншілер қаласында тұратын 72 жастағы зейнеткер әйел сағат түскі бірлер шамасында азық-түлік дүкенінен қайтып келе жатып, үйге кіреберісте қолындағы азық-түлік салынған пакетті белгісіз ер адамның жұлып алғанын айтып полицияға шағым түсірген. Жедел-іздестіру іс-шаралары барысында полиция қызметкерлері бұрын дәл осындай бұзақылығы үшін сотталған 37 жастағы күдіктіні ұастайды. Алдын ала тергеу іс-әрекеттері күдіктінің зейнеткердің азық-түлікті сатып алғанын көріп, тонау мақсатында соңына түскені анықтады.

- Оқиғаға қатысты ҚР ҚК-нің 191-бабының 2-бөлімі бойынша сотқа дейінгі тергеу жүргізілуде. Бап санкциясы күдіктінің мүлкін тәркілеп, үш жылдан жеті жылға дейінгі мерзімге бас бостандығын шектеу немесе сол мерзімге бас бостандығынан айыру түріндегі жазаны көздейді, - деп хабарлады облыстық полиция департаментінің баспасөз қызметі.

Рудный полицейлерінің әбжіл қимылының арқасында мұнан басқа тағы бір қылмыс ашылып отыр. Полиция басқармасына жергілікті кәсіпорындардың бірінен құны 107 мың теңге болатын мыс кабелі ұрланғаны туралы шағым келіп түскен. Жедел іздестіру шаралары барысында 37 жастағы Рудный қаласының тұрғынын ұсталды. Күдікті жеке меншік иелігінен ұзындығы 15 метр болатын мыс сымды ұрлап, гаражда жасырып қойған. Тергеу барысында күдікті өз кінәсін мойындап, олжасын  металл қабылдау пунктіне  тапсырмақ болғанын айтқан. Қазір қылмыстық іс сотқа жіберілді. Ал кәсіпорын басшысы қылмысты ізін суытпай ашып, жоғалғанын тауып берген тәртіп сақшыларына алғыс білдірді.

 

Қостанай облысы

Соңғы жаңалықтар

Теңге қымбаттайды

Қаржы • Кеше

Италияда тоғыз жүлде алдық

Спорт • 07 Наурыз, 2021

«Барыс» ұтылып қалды

Спорт • 06 Наурыз, 2021

Елдос Сметов күміс алды

Спорт • 06 Наурыз, 2021

Ұқсас жаңалықтар