Қазақстан • 28 Мамыр, 2020

Биыл Батыс Қазақстан облысында 167 шақырым жол жөнделеді

62 рет көрсетілді

Батыс Қазақстан облысы жолдары биыл қайта жаңарту, күрделі және орташа жөндеуден өтеді. Автомобиль жолдары салысында өңірде барлығы 30 жоба іске асырылады. Жолшылар облыстағы елді мекендерге кіретін 10 жол жаңартады. Бұл туралы ИИДМ баспасөз қызметі хабарлады.

Биыл «Самара–Шымкент» тасжолының кіру жолы мен Қаратөбе ауданына қарасты Қоскөл елді мекенінің айналма жолының 9 шақырымы қайта жаңартылады. Сондай-ақ, Бөрлі–Ақсай–Жымпиты автожолының 149-159, 139-149 шақырымдары күрделі жөндеуден өткізіліп, Ақжайық ауданының Жайық, Алғабас және Лбищенск елді мекендеріне кіру жолдары жөнделеді. Бұдан бөлек, «Федоровка – Ақсай» автожолындағы 6 су өткізу құбырын күрделі жөндеу, «Орал–Кирсанова» жолындағы Быковка, Ембулатовка және Рубежка өзені арқылы өтетін көпірлерді жөндеу жоспарланған.

Сонымен қатар, «Тасқала–Аққурай–Болашақ–РФ шекарасы» автожолының 48-96 шақырымы, «Переметное–Цыганово» жолының 0-13 шақырымы, «Переметное–Вечный» жолының 0-24 шақырымы, «Жәнібек–Таловка–Кіші өзен» жолының 2-27 шақырымы орташа жөнделеді. Бұдан бөлек, өңірде Тоғанас, Жаңабұлақ, Мерей, Фурманово, Ростошинское НҚП, Нововпавловка және Ұзынкөл елді мекендеріне кіру жолдары жөнделеді деп жоспарланған. Жөнделетін жолдардың жалпы ұзындығы 167,8 шақырым.

Мұнымен қоса, өңірде республикалық маңызы бар «Чапаево – Қазталовка – РФ шекарасы» автомобиль жолының 157-192 шақырымы, «Қазталовка – Жәнібек – РФ шекарасы» жолының 0-165 шақырымы, «Бисен – Өнеге – Сайхин» жолының 0-103 шақырымында күрделі жөндеу жұмыстары басталып кетті.  Орташа жөндеу жұмыстарымен «РФ шекарасы (Самара) – Шымкент жолының 214+835-250+420 шақырымдары, сондай-ақ, «Чапаево-Жалпақтал-Қазталовка-РФ шекарасы» тасжолының 17-57 шақырымы қамтылады.

Еске сала кетейік, Батыс Қазақстан облысындағы жолдардың жалпы ұзындығы - 6496 шақырым. Оның 1414 шақырымы – республикалық маңызға ие жолдар. Ол жолдардың 92% жақсы және қанағаттандырарлық жағдайда. Ал жергілікті жолдардың ұзындығы - 5 082 шақырым. Жақсы және қанағаттандырарлық жағдайдағы жергілікті жолдардың үлесі 31% шамасында.

Соңғы жаңалықтар

Абайды танытқан абыз тұлға

Қазақстан • Бүгін, 12:47

Ел жүрегі – елорда

Аймақтар • Бүгін, 11:53

Ұқсас жаңалықтар