Әлем • 28 Мамыр, 2020

Халықаралық рейстерге билет сату шектелмейді - Авиация комитеті

30 рет көрсетілді

Азаматтық авиация комитеті халықаралық бағыттарға әуе билеттерінің сатылымы туралы хабарлады.

Әуе компаниялары мен делдалдардың сайттарында халықаралық бағыттарға билеттер сатылып жатқаны туралы ақпаратқа байланысты ұшулар басталар алдында бірнеше айға сатудың әлемдік тәжірибесіне сай халықаралық рейстерге билет сату реттелмейтінін және шектелмейтінін хабарлаймыз.

Осыған байланысты елімізге келетін немесе елімізден ұшатын халықаралық бағыттар бойынша әуе билеттерін сату және сатып алу халықаралық рейстердің қайта басталғанын білдірмейді және жолаушыға таңдап алынған бағыт және рейс күні бойынша ұшуға кепілдік бермейді.

Халықаралық бағыттар бойынша тұрақты жолаушылар рейстерін қайта бастау эпидемиологиялық жағдайға, Қазақстан мен шет елдердің мемлекеттік шекарасынан өту шектеулеріне, cондай-ақ мемлекеттердің визалық талаптарына байланысты анықталады.


​Халықаралық әуе қатынастарын қайта бастау туралы шешімді Қазақстан Республикасы аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссия ҚР Денсаулық сақтау министрлігінің ұсынымдарын, сондай-ақ шет мемлекеттер тарапынан келіп-кетуге қойылған шектеулерді алып тастауына байланысты қабылдайды.

Соңғы жаңалықтар

Бұрынғы сенатор қайта сайланды

Парламент • Бүгін, 21:52

Электронды қызмет үлесі өсті

Технология • Бүгін, 21:20

М.Әйтенов "Shymkent" ӘКК" АҚ жұмысын сынға алды

Оңтүстік Қазақстан • Бүгін, 19:23

Бразилияда вирус басылмай тұр

Коронавирус • Бүгін, 13:50

Ұқсас жаңалықтар