Лисаков қаласының әкімі Алмат Исмағұлов нысандарды аралап, мердігерлермен кездесті. - Жол құрылысына пайдаланылатын материалдар зертханадан өткізіледі. Себебі біз құрылыс жабдықтарының сапасын білуіміз қажет. Ең бастысы, сапалы жол салынуы керек, - деді қала әкімі.
Биыл жүзеге асырылып жатқан 27 жобаға 2,7 млрд теңге қаржы бөлінген. – Жөндеу жұмыстарына барынша отандық өндіріс материалдарын қолдануға тырысамыз. Екіншіден, қала тұрғындары үшін жұмыспен қамту орталығы арқылы 292 жұмыс орнының ашылуына мүмкіндік берді, - деді қала әкімі. А.Исмағұловтың айтуынша, нысандарды жөндеу жоспарын құру кезінде тұрғындардың әкіммен кездесу кезінде айтылған өтініш-тілектері де ескерілген. Шағын қалада келесі айдың аяғына дейін 200 мың шаршы метр жолға асфальт төселмек.
«Расымен де, бір жыл ішінде 27 нысанды жөндеу деген бұрын-соңды болған емес. Жалпы биыл «Жұмыспен қамтудың жол картасы» бағдарламасы бойынша барлық жерде рекордтық қаржыландыру бар. Енді жұмысты сапалы, уақтылы орындау міндеті тұр», - деді әкім.
Қостанай облысы
