Сондай-ақ, Таразда вирусты жұқтырған адаммен байланыс жасаған адамдар арасында 1983 жылғы адамның да вирусты жұқтырғаны анықталды.
Сонымен қатар зертханалық сараптама нәтижелері облыс орталығының 1979 жылы туған тұрғынының (әйел адам) коронавирусты жұқтырғанын көрсетті, ол респираторлық белгілермен медициналық мекемеге жүгінген.
Барлық науқастар жұқпалы аурулар ауруханасына жеткізілді, олармен байланысқан адамдар карантинге бақылауға алынды. Ошақтарда дезинфекция жасалды.
29 мамырдағы жағдай бойынша Жамбыл облысында коронавирус инфекциясын жұқтырған жалпы 370 адам тіркелген, оның ішінде 187-сі жазылып шыққан.
