Спорт • 01 Маусым, 2020

«Барыс» құрамы жаңа қақпашымен толықты

335 рет
көрсетілді
1 мин
оқу үшін

Құрлықтық хоккей лигасында (ҚХЛ) өнер көрсететін Нұр-Сұлтанның «Барысы» құрамын финляндиялық қақпашымен толықтырды. Бұл туралы клубтың ресми сайты хабарлады. 28 жастағы Йони Ортио елорда командасына Швейцарияның «Цюрих» клубынан ауысып келді.

«Барыс» құрамы жаңа қақпашымен толықты

Йони Ортио 1991 жылдың 3 қаңтарында Финляндияның Турку қаласында дүниеге келген. ТПС клубының түлегі Йони 2009/10 жылғы маусымда аталған командамен бірге шайбалы хоккейден Финляндия чемпионатында алғаш рет қатысып тұрса да, чемпион атанды. Кейіннен әр жылдары АҚШ-тың «Абботсфорд Хит», «Аляска Эйсез», «Адирондак Флэймз», «Стоктон Хит», Канаданың «Калгари Флэймз», «Абботсфорд Хит» сияқты командаларда өнер көрсеткен. Сондай-ақ 2018/19 жылы Құрлықтық хоккей лигасындағы Подольскінің «Витязь» клубының намысын қорғады.

Өткен маусымда Йони Ортио Швейцария чемпионатында «Цюрих» клубының қақпасын 29 матчта қорғап, орта есеппен әр ойында 2 шайба өткізіп алған. Сондай-ақ 91,7% қақпаға бағытталған соққыны қайтара білген. Енді Ортио алдағы маусымда «Барыс» қапасын күзетеді.

Соңғы жаңалықтар

Су үнемдейтін қондырғы

Технология • Кеше