Олимпиадаға іріктеу кезеңі жаңартылды

Енгізілген өзгерістер мен жаңартулар Халықаралық Олимпиада комитеті мен халықаралық паралимпиада комитеті тарапынан мақұлданған. Пандемияға дейінгі іріктеу кезеңінде жиналған ұпай сандары рейтингте өзгеріссіз сақталады. Covid-19 індетінің салдарынан тоқтатылған додаларды қайта өткізу Олимпиадаға іріктеу кезеңін жаңартуға себеп болды.

Жаңа күнтізбеге сәйкес 2020 жыл­дың 1 қазаны мен 2021 жылдың 30 сәуірі аралығында өткен жарыстар Олим­пиа­даға іріктеу додасы болып есептеледі.