Аймақтар • 01 Маусым, 2020

Қарағанды облысы: Мойынтылықтар жолынан жығылмады

188 рет көрсетілді

Шет ауданындағы Мойынты кентінде жергілікті әкімдіктің ұйымдастыруымен «Біз біргеміз!» акциясы аясында көпбалалы, жағдайы төмен мұқтаж отбасыларына сол өңірде жұмыс істеп тұрған «Бапы Майнинг» компаниясы 1 млн 405 мың теңгенің ақшалай көмегін көрсетті.

Бұдан бөлек, кенттегі дүкен ұстайтын жеке кәсіпкерлер, атап айтқанда Қартайған Балабеков, Минаш Әшімова, Клара Әбеуова, Ұлтусын Турабекова, Қарлығаш Тоқабаева, Алтын Аманбаева, «Айдын» шаруа қожалығының басшысы Айнұр Турабекова және әкімдік қызметкерлері де ортақ іске өз үлестерін қосып, мұқтаждығы бар тоғыз отбасына азық-түлік себеттерін табыс етті.

Сонымен қатар, ауыл жастары, еріктілер тобының бастамасымен ірі қара мал сойылып, оның еті тұрмысы төмен отбасыларға таратылып берілді. Бұған қоса, белсенді топ өкілдері жинаған 750 мың теңге қаражат пен азық-түлік себеттері әлеуметтік тұрғыда аз қамтылған отбасыларға  үлестірілді.

«Бапы Майнинг» компаниясының кенттегі терминалының қызметкерлері де қайырымдылық іс-шарасынан тыс қалмай, ауылдың бес отбасына азық-түлік толы себеттер таратты.

Мойынты кентінің әкімі Саяхат Турабеков «Біз біргеміз!» акциясының аясында ауызбіршілік танытып, игі бастаманы шын ниетпен қолдаған ауыл халқының ұйымшылдығын атап өтті.

1

«Қазіргі таңда Мойынты кентінде көшелерді абаттандыру және жарықтандыру бойынша біршама жұмыстар атқарылуда.  Алдағы уақытта кентте спорт алаңы салынып, ауыл жастары арасында саламатты өмір салтын насихаттау бойынша жобалар қолға алынады», дейді кент әкімі.

Мойынты кентінде ауыз су мәселесі де шешімін тапқан екен. Бүгінгі күнде су құбырлары ауылдағы әрбір үйге тартылған. Карантин шектеулері жеңілдетілгенімен, кенттегі санитарлық-эпидемиологиялық талаптардың қатаң сақталуына баса мән беріледі. «Мұндай тәртіптің адам көп келетін жерлерде, нақтырақ айтқанда дүкендерде, мекемелерде орындалуына айрықша назар аударамыз. Бұл тұрғыда құрамына әкімдік қызметкерлері енетін арнайы топ рейдтер ұйымдастырып тұрады», дейді кент әкімі.

Ауыл халқы төтенше жағдай режімі мен карантин шектеулері кезіндегі қиын жағдайда жергілікті әкімдіктің шын жанашырлық танытып, дер кезінде көмек қолын созғанына дән риза. «Көптеген мұқтаж отбасылар осындай қамқорлықтың арқасында күрделі кезеңнің ауыртпашылығын аса қатты сезіне қоймады», дейді Мойынты кентіндегі ақсақалдар алқасының төрағасы Үмбет Адамбаев.

5

 

Қарағанды облысы,

Шет ауданы

Соңғы жаңалықтар

Янайкинге “нағыз қазақ”

Аймақтар • Бүгін, 21:48

Атырауда 42 көшеге жол төселеді

Аймақтар • Бүгін, 20:28

Алматы маңында жер сілкінді

Аймақтар • Бүгін, 16:10

Биыл Құрбан айт қалай өтеді?

Қазақстан • Бүгін, 10:17

COVID-19: Жерлеу қалай жүріп жатыр?

Қазақстан • Бүгін, 09:39

Ұқсас жаңалықтар