Спорт • 02 Маусым, 2020

Кака «Қайратпен» бірге

25 рет көрсетілді

«Қайрат» футзал клубының бразилия­лық бас бапкері Пауло Рикардо Фигейра Силва алдағы маусымда да Алматы командасын жаттықтыратын болды.

Жанкүйерлерге Кака есімімен танымал 43 жастағы бразилиялық маман «Қайрат» командасын 2018 жылдың сәуірінен бері жаттықтырып келеді. Атақты бапкер екі жыл­дың ішінде Алматы клубымен бірта­лай жетістікке жетті. Атап айтар болсақ, өткен маусымда Қазақстан чемпиона­ты мен Қазақстан кубогында топ жарды. Сонымен қатар 2018-2019 жылы Чемпион­дар лигасының финалисі және УЕФА кубо­гының күміс жүлдесін олжалады. Корона­вирус пандемиясына байланысты уақытша тоқтатылған биылғы ел чемпионатында да «Қайрат» бірінші орында келеді.

Бразилия және Әзербайжанның азамат­тығын алған Кака бұған дейін 2010-2012 жылдары Әзербайжанның «Нефтчи», 2012-2018 жыл аралығында Ресейдің «Газпром-Югра» командасын жаттықтырған. Қазіргі таңда «Қайрат» клубымен бірге футзалдан Қазақстан ұлттық құрамасын да баптайды. 

 

 

Соңғы жаңалықтар

Жамбыл жылы жырлайды

Руханият • Кеше

Қай салада жалақы өсті?

Экономика • 27 Ақпан, 2021

Ресей азаматтары алғыс айтты

Аймақтар • 26 Ақпан, 2021

Ұқсас жаңалықтар