Әлем • 03 Маусым, 2020

Италияда өкпе трансплантациясы жасалды

130 рет
көрсетілді
1 мин
оқу үшін

18 жастағы итальяндық жас жігіт коронавирустық инфекциядан өкпесінен айырылған. Бұл ақпаратты хабарлаған  ANSA агенттігі  алғашқы операция екендігін ескертті.

Италияда өкпе трансплантациясы жасалды

Операция Милан қаласындағы ауруханада Ұлттық транспланттау орталығымен, аймақтық трансплантация орталығымен және Солтүстік Италия трансплантациялау бағдарламасымен үйлестірілді.

Франческо есімді жігітте коронавирустық инфекцияның белгілері 2 наурызда пайда бола бастады, ал 6 наурызда ол Миландағы Сан-Раффаэле ауруханасына қарқынды терапияға орналастырылды. Екі күннен кейін ол интубацияланды, ал 23 наурызда ол жүрек-өкпе аппаратына қосылды. Соған қарамастан, коронавирустық инфекцияның ауыр түрі аясында оның өкпелері жұмысын тоқтатты. Сәуір айының ортасында Сан-Рафаэль дәрігерлері науқасты жаңа өкпемен трансплантациялау туралы шешім қабылдады.

18 мамырда Миланда өкпе трансплантациясы жасалынғаннан бірнеше күн өткен соң, дәл осындай операция Венада жасалған болатын.

30 сәуірде жігіттің есімі жедел өкпе трансплантациясы үшін тағайындалды, арада екі апта өткенде донор табылды.

Мемлекеттік университеттің кеуде хирургиясы мектебінің жетекшісі Марио Нозоттидің айтуынша, операция өте қиын болды, енді жас жігітке ұзақ уақыттық оңалту рәсімінен өтуге тура келеді.