Бокстан Әзербайжан құрамасы Алматыда өтетін әлем чемпионатына қатысатын құрамын анықтады. Бұл туралы Әзербайжан бокс федерациясының мәліметіне сілтеме жасаған Sport.1news.az тілшісі хабарлады.
-Спорттық мансабын аяқтаған Самир Мамедовты (56 кг) Джавид Челебиев алмастырды. Ал жастар арасындағы 2012 жылғы әлем чемпионатының жүлдегрі Пярвиз Багиров (69 кг) біріншілікте Тамерлан Абдуллаевтың орнында өнер көрсетеді, - делінген хабарламада.
Бір айта кететін жәйт, Тамерлан – қазақтың жиені. Оның анасы Оңтүстік Қазақстан облысының тумасы. Нағашы ата-әжесі қазір де осы өңірде тұрады.
Әзербайжан құрамасының мүшедері қазіргі күндері Қазақстан жерінде. Олар біздің құрама жігіттерімен бірге жаттығып жатыр.
Сонымен, Әзербайжан құрамасы мынадай:
49 кг – Салман Ализаде, Еуропаның 2011 және 2013 жылдарғы қола жүлдегері;
52 кг - Эльвин Мамишзаде, 2010 жылғы Еуропа чемпионатының күміс жүлдегері, 2013 жылғы қола жүлдегері;
56 кг - Джавид Челебиев;
60 кг – Эльвин Исаев;
64 кг – Гейбатулла Гаджалиев, Еуропаның 2011 жылғы қола жүлдегері;
69 кг – Пярвиз Багиров;
75 кг – Солтан Мигитинов;
81 кг – Рауф Рагимов;
91 кг - Теймур Мамедов – Еуропаның 2011 жылғы чемпионы, 2013 жылғы күміс жүлдегері, әлемнің 2011 жылғы күміс жүлдегері, 2012 жылғы Олимпиялық ойындардың қола жүлдегері;
+91 кг – Магомедрасул Меджидов – әлемнің 2011 жылғы чемпионы, 2013 жылғы Еуропа чемпионы, 2012 жылғы Олимпиялық ойындардың қола жүлдегері.
Бас жаттықтырушы – Владимир Золотарев, жаттықтырушы - Нариман Абдуллаев.
Руслан Игілік.
