Қоғам • 04 Маусым, 2020

Шекаралық аймақтарда жаңа үйлер салынады

84 рет көрсетілді

Жыл басында облысымызда шекара маңындағы аудандарды дамыту мақсатында 2020-2024 жылдарға арналған бағдарлама әзірленген болатын.

Бағдарламаның мақсаты – елдің шеті, желдің өтін­дегі Күршім, Тарбағатай, Катон­қара­ғай, Зайсан және Үржар секілді шекарадағы аймақтарды дамыту, тұрғындардың әлеу­мет­тік ахуалын жақсарту, инфрақұ­ры­лымды нығайту. Қазіргі уақыт­та өңірде осы бағыттағы алғаш­қы жұмыстар басталып та кетті. Мәселен, Тарбағатай ауданының Ақсуат және Ақжар ауылдарында мемлекет-жекеменшік серіктестік аясында баспаналар салынбақ. Алғашқы үйлер­дің құрылысын сәуір айы­ның соңында Ақжар ауылында жер­гілікті кәсіпкер Қайрат Қожахметов бастап кеткен еді. «Жалпы аумағы 100 шаршы метр болатын үйлер­дің қабырғасы газблоктан тұр­ғызылуда. Жарық баған­дары, кәріз жүйесі, ауызсу іргесіне келіп тұр. Әзірге 10 үйге келісімшарт жасалады. Яғни кәсіпкер салған үйлер бюджет есебінен сатып алынады. Баспаналар кезекте тұрған көп­балалы отбасыларға беріледі. Жоспар бойынша Ақсуаттан – 50, Ақжардан – 50 баспана салуды межелеп отырмыз», деп жазған-ды сол кезде Тарбағатай ауданының әкімі Серікқазы Сәдуақасов өзінің Facebook-тегі парақшасында.

Енді міне, игі іс жалғасын тауып, тарбағатайлық Дулат Тас­те­кеев, Әсет Мүфтиев, Дар­хан Шотабаев сынды кәсіпкерлер әрқай­сысы 10-нан жина­лып 30 үй (қос пәтерлі) саламыз деп уәде беріпті. Кеше Ақсуат­тағы «Ет комбинаты» аталатын ық­шам ауданында жер учаске­лері өлшеніп, қазықтары қағылыпты.

Ескерте кетейік, Ақсуат пен Ақжарда үйлер салу мәселесі биыл облыс әкімі Даниал Ахметов Ақжар ауылына барып, шекаралық аймақтарды дамыту жөнінде жиын өткізген кезде тұрғындар тарапынан көтерілген болатын.

 

Шығыс Қазақстан облысы,

Тарбағатай ауданы

 

Соңғы жаңалықтар

Тілге құрмет – елге құрмет

Саясат • Бүгін, 08:20

Ауру асқынды: дәрі жоқ, маска қымбат

Коронавирус • Бүгін, 08:03

Тордағы тотықұсқа тіл бітірген

Руханият • Бүгін, 07:38

Тархан

Руханият • Бүгін, 06:40

Ел мақтаған Елмұрат

Спорт • Бүгін, 06:25

Ұқсас жаңалықтар