Парламент • 04 Маусым, 2020

Мәулен Әшімбаев қазақстандықтарды Мемлекеттік рәміздер күнімен құттықтады

369 рет
көрсетілді
1 мин
оқу үшін

ҚР Парламент Сенатының төрағасы Мәулен Әшімбаев қазақстандықтарды Мемлекеттік рәміздер күнімен құттықтады. Бұл туралы Сенат спикері фейсбуктегі парақшасында жазба қалдырды. 

Мәулен Әшімбаев қазақстандықтарды Мемлекеттік рәміздер күнімен құттықтады
«Бүгін еліміздің егемендігі мен біртұтастығының қастерлі символы саналатын Қазақстан Республикасының Мемлекеттік рәміздері күні.
Президентіміз өз құттықтауында атап өткендей, Елтаңба, Ту, Әнұран – Тәуелсіздігіміздің басты құндылықтарының көрінісі, бейбітшілік, бірлік пен келісімнің, өсіп-өркендеудің белгісі. Сондықтан оларды құрметтеу, тұмардай сақтап, қорғау – әр қазақстандықтың абыройлы міндеті.
Қазақстан Тәуелсіздік алғалы бері мәртебелі жиындар мен мерейлі жеңістерде көк байрағымыз биікте желбіреп, Әнұранымыз асқақ шырқалып келеді. Осылайша, рәміздеріміз ұлтты ұйыстырып, азаматтарымыздың патриоттық сезімін нығайтатын айрықша белгілерге айналды.
Құрметті достар, баршаңызды атаулы күнмен құттықтай отырып, егемен еліміздің еңсесі биік, рухы асқақ, мерейі үстем болсын деп тілеймін!», - деді ол. 
Соңғы жаңалықтар

Су үнемдейтін қондырғы

Технология • Кеше