Әлем • 04 Маусым, 2020

Үш жыл түрмеде отырған көгершін босап шықты

215 рет көрсетілді

Үндістан елінің қауіпсіздік мекемесі пәкістандық барлау-тыңшылық құрылымдарының мүддесі үшін қызмет атқарып жүр деген күдікпен үш жыл бұрын қарапайым көгершінді тұтқындаған.

Өйткені, бұл құс 2016 жылы үндістандықтар қолына түскенде, оның саусағы мен балдағында ұзын-сонар сандар тізбесі жазылған екен. Бұл сан-цифрлар пәкістандық құпия қызмет саласының құпия коды болуы мүмкін деп таныған көршілері мәселе анықталғанға дейін көгершінді тор-түрмеге қамап тастаған.

Ал Пәкістан жағы болса, бұл көгершін қарапайым балықшының қолға үйреткен құсы. Балағындағы сан-цифрлар иесінің телефон нөмірі. Бұл көгершін үнемі құстар жарысына қатысатындықтан, жоғалып кетпес үшін осылай белгі салынғанын дәлелдей алмаған.

Бірақ балықшы үндістердің «атшаптырым аумақта ұшып жарысатын көгершін қалайша басқа елдің аспанында қалықтап жүр?» деген сұрағына жауап бере алмапты. Осылай көгершіннің  тор-түмедегі өмірі созыла берген.

Ақыры бейуаз құстың тыңшылық әрекеті дәлелденбегендіктен 28 маусым күні оған бостандық берілген.  Бір таңданарлық жағдай тордан ұшып шыққан көгершін қайда кетті, қалай ұшты. Оны әлі ешкім анықтай алмай сандалып жатқан көрінеді.

Соңғы жаңалықтар

Рульге ие бола алмай қалды

Аймақтар • Бүгін, 09:52

Егемен елдің ордасы

Елбасы • Бүгін, 06:31

Көшпелі мобильді бригада

Коронавирус • Бүгін, 06:28

Ел бірлігінің кепілі

Елбасы • Бүгін, 06:08

Негізсіз қымбаттауы реттеледі

Президент • Бүгін, 06:05

Уақыттан озған көшбасшы

Елбасы • Бүгін, 06:02

Ұқсас жаңалықтар