ҚАРА ЖЕРДІҢ ҚАДІРІН БІЛЕМІЗ БЕ?

Жер – ен байлықтың бас­тауы, тіршіліктің қайнар көзі. Осы қасиетті жерімізді бола­шақ ұрпаққа қандай жағдайда қалдырамыз, міне, гәп сонда. Жерді қаншалықты тиімді пай­даланып отырмыз? Жер туралы заңдылықтар қанша­лықты сақталуда? “Егемен Қазақстан” газетінің Ақтөбе облысындағы тілшісі Сатыбалды Сәуірбай Ақтөбе және Батыс Қазақстан облыстары өңіраралық жер инспекциясының бастығы Асқар Жүсібәлиевке: – Сіз бұған не дейсіз? – Өткен жылы жер заңды­лық­тарының сақта­луы­на 798 тексеру жүргізілді. Тек­серу нәти­жесінде жалпы көлемі 64 938 гектардың заң бұзу­шылықтары анықталып, 505 шаруашылық субъектілері әкім­ші­лік жауап­кер­шілікке тартыл­ды, барлығы 31 541,8 мың теңге айыппұл салын­ды. Оның ішінде 234 заңды тұл­ғаға 25 829,9 мың тең­ге, 134 жеке тұлғаға 2 472,7 мың теңге және 70 лауазым иесіне және жеке кәсіп­керлерге 3 239,18 мың теңге айыппұл салынды. Жетпіске жуық ша­руа­шылық субъектісіне әкімші­лік ескерту жасалды. Жер заңдылықтары нормала­ры­ның бұзылуы көп жағдайда өнеркәсіп кәсіпорындары, жер қойнауын пайдаланушылар ара­сында орын алады. Мысалы, “Ақ­төбе Мыс Компаниясы” ЖШС пайдаланып отырған аумақ­та он заң бұзушылық анық­талып, 1527,6 мың теңге айып­пұл төледі. “Сагиз Петро­лиум” ЖШС-інде болған сегіз заң бұзушылық үшін 1 336,6 мың теңге,“Қазақойл-Ақтөбе” ЖШС бір ғана заң бұзушылыққа 3496,3 мың теңге айыппұл төледі. Өткен жылдың үшінші тоқ­са­нында екі облыс аумағында 119 агроқұрылым нысандары­ның 211 174 гектар ауыл шаруа­шы­лығы алқаптарына тексеру жүргізілді. Оның 91 нысаны бойынша 74 842 гектар алқапты пай­далануда “Жер туралы” заң­дылықтардың сақталмайтыны анықталды. Жер заңдылықтары нормаларын сақтамағаны үшін 42 агроқұрылымға 1 654,8 мың теңге айыппұл салынып, олар­дың 49-ына ескерту жасалды. Үстіміздегі жылдың қаңтар-ақпан айларында жүргізілген 55 тексерудің нәтижесінде 615,6 гектар жерде 16 заң бұзушылық анықталып, 16 нысанға 1 256,74 теңге айыппұл салынды. Соны­мен бірге, жоспарлы тексеруге байланысты Ақтөбе және Батыс Қазақстан облыстары, қалалық және аудандық әкімдіктері мен аудандық жер қатынастары бө­лім­дерінің 2009 жылғы жер пай­далану құқығын табыстау жөніндегі жұмыстары тексерілді. Тексеру көрсеткеніндей, жер телім­дерін сұрау өтініштерінің қаралуы, жерге орналастыру жобаларының бекітілуі, жер те­лімдерін беру туралы қаулы­лар­дың шығуы, уақытша берілген жер телімдерін пайдалану құ­қы­ғын ұзарту мерзімдері негізсіз созылған. Осыған байланысты Ақтөбе облысындағы әкімдіктер­дің үш лауазымды тұлғасы Әкім­шілік құқық бұзушылық туралы кодекстің 256-бабына сәйкес жауапқа тартылып, 98 910 теңге айыппұл төледі. Сондай-ақ, Батыс Қазақстан облысы Зеле­нов, Тасқала, Бөрлі аудандары ауылдық округтері әкімдерінің 32 қаулы шешімдерін заңға сәйкестендіруге нұсқау берілді. Ақтөбе облысы.