Оңтүстік Америка бойынша жалғасып жатқан турнесі шеңберінде Қазақстан Республикасының Сыртқы істер министрі Ерлан Ыдырысов Буэнос-Айрес қаласында болды. Бұл Қазақстан сыртқы саясат ведомствосы басшысының Аргентинаға алғашқы ресми сапары болып табылады деп хабарлады еліміз Сыртқы істер министрлігінің баспасөз қызметі.
Оңтүстік Америка бойынша жалғасып жатқан турнесі шеңберінде Қазақстан Республикасының Сыртқы істер министрі Ерлан Ыдырысов Буэнос-Айрес қаласында болды. Бұл Қазақстан сыртқы саясат ведомствосы басшысының Аргентинаға алғашқы ресми сапары болып табылады деп хабарлады еліміз Сыртқы істер министрлігінің баспасөз қызметі.
Қазақстан тарапының Аргентинаға деген қызығушылығы кездейсоқ емес. Аргентина аймақтағы ірі экономиканың бірі және Бразилиямен қатар G-20 тобына кіреді. Елде алдыңғы қатарлы технологиялармен түрлі салаларды қамтамасыз ететін қолданбалы ғылым белсенді дамуда: атом өнеркәсібі мен ғарыштан бастап, энергетика және ауыл шаруашылығы салалары жақсы табыстарымен танылып отыр.
Осы мәселелердің барлығы Е.Ыдырысовтың Аргентинаның іскер топтарымен кездесуінің басты тақырыбына айналды. Жалпы, бұл кездесу министр сапарының бағдарламасын ашқан еді. Табиғи газды қайта өңдеу жөніндегі технологиялармен алмасу мүмкіндігі, сонымен қатар, басқа да мұнай-газ саласындағы ынтымақтастық мәселелері Аргентинаның YPF ұлттық компаниясының басшылығымен кездесу аясында талқыға салынды. Ұлттық саланың мүддесін көздейтін Аргентина мұнай кеңесінің өкілдері өз кезектерінде Қазақстанмен жаһандық деңгейде ынтымақтасуға қызығушылық танытты.
Аргентина ет өндіру ассоциациясының өкілдерімен өткен кездесу екіжақты ынтымақтастықтың айтарлықтай әлеуетін айқындады. Аргентина сиыр етін өндіру бойынша әлемде көшбасшылар қатарында және олардың ауыл шаруашылығын зерттеу ұйымдары осы саладағы өздерінің жаңа ғылыми зерттеулерімен қазақстандық әріптестерімен бөлісуге дайын.
Екіжақты қарым-қатынастың барлық қырлары, сондай-ақ, жаһандық мәселелер Е.Ыдырысовтың аргентиналық әріптесі Хектор Тимерманмен кездесуі барысында жан-жақты сөз болды. Тараптар даму басымдықтарының ұқсастығын, халықаралық сипаттағы мәселелер бойынша көзқарастар мен ұстанымдардың жақындығын атап өтті. Сонымен қатар, министрлер саяси кеңестерді іске қосу механизмі туралы және ресми делегацияларды визалық талаптардан босату туралы келісімдерге қол қоя отырып, екіжақты ынтымақтастықты белсенділендіруге келісті. Қазақстандық министрдің шақыруымен Х.Тимерман 2014 жылы Астанаға келеді деп күтіліп отыр.
Қазақстандық министр елдің Парламентінде де жылы қабылданды, онда Е.Ыдырысов Сенат спикері – елдің Вице-президенті Хорхе Домингеспен және депутаттар палатасының төрағасы Амаду Будумен келіссөздер жүргізді. Аргентинаның заң шығарушы органында екі елдің парламенттері арасында тығыз байланыс орнатуға мүдделілік танытылып, парламентшілер сапарларымен алмасуға қызығушылық білдірілді.
Аргентина тарабы Қазақстанға аймақтық көшбасшы және жаһандық деңгейдегі жауапкершілігі мол мемлекет ретінде қызығушылық танытатындарын мәлімдеді.
