Ақтаудың олигархтары күн сайын Бакудің ресторандарынан кешкі ас ішіп қайту үшін Әзербайжанның астанасына ұшып баратын көрінеді. Ал сенбі және жексенбі күндері Грузияға ұшады. Бұл туралы Мәжіліс депутаты Рауан Шаекин мәлімдеді.
«Менің шұғыл түрде Ақтауға ұшуыма тура келді. Сонда әуе компаниясының қызметкерлері ол жаққа бір апта бойы билеттің бола қоймайтынын айтты. Себебі, Ақтаудағы үлкен «Боинг» ұшағы күн сайын арнайы Бакуге ұшады екен. Ал сенбі және жексенбі күндері жергілікті тұрғындар Грузияға барып қайтатынға ұқсайды», – дейді Мәжіліс депутаты.
Депутат осыған орай Көлік және коммуникация министрі Асқар Жұмағалиевке: «Астана мен облыс орталықтары арасында әуе рейстері жетіспей жатқанда, шетелдерге ұшақтар күн сайын қатынайтыны қалай?» деген мазмұнда өзінің ренішін білдірді.
Мұрат Айтқожа.
