«Жалпы облыстағы жағдай тұрақты, инфекцияның таралуы біздің бақылауымыздың шеңберінде. Шектен шыққан көбеюлерге жол берілген жоқ. Соңғы үш аптада анықталған пандемияның бәрі сырттан келген адамдардың бойынан табылды. Біздің облыста М.Жұмабаев, Ш.Уәлиханов және Мамлют аудандарының аумағында Ресей Федерациясымен шекаралық бекеттер орнатылған. Соңғы уақыттарда анықталған короновирустың бәрі осы бекеттерден кірген адамдардың бойынан табылды», деді ол өзінің сөзінде.
Қазір бойынан дерттің белгісі табылғандардың бәрі карантиндік стационарға жатқызылған. Ал облыс орталығындағы Бірінші ауруханада арнайы ұйымдастырылған инфекциялық бөлімшеде 46 адам емделуде. Оның ішінде екеуінің бойынан пандемияның сипатын анық көрінуде, соның ішінде біреуінің сырқаты онкологиялық дерттің әсерімен күшейе түсуде. Қалғандарының жағдайы бірқалыпты көрінеді. Олардың температурасы, қан қысымы және т.б. күніне төрт рет тексеріледі.
Сонымен бірге, Н.Айманов дәрігерлер мен медициналық қызметкерлерге қажетті құрал-жабдықтар мен дәрі –дәрмектердің бәрі жеткілікті екенін, бұл жағынан ешқандай проблема жоқ екенін атап өтті.
ҚЫЗЫЛЖАР
