Аймақтар • 08 Маусым, 2020

Нұр-Сұлтанда қауіпті тұрғын үй кешендерін жөндеу басталды

19 рет көрсетілді

Құлаған плитка, жанатын қаптама, апаттық жағдайдағы жеделсатылар – Нұр-Сұлтанда көппәтерлі тұрғын үй кешендерін жөндеу жұмысы басталды. Бұған дейін елорда әкімі Алтай Көлгінов «Орбита» және «Территория комфорта» ТК тұрғындарымен кездесуінде үйлердің жөндеуіне қатысты мәселе көтерілген болатын. Аталған тұрғын үй кешендерін жөндеу басталды. Бұл туралы қала әкімдігінің ресми сайты хабарлады.

ТК тұрғындары жел тұрса далаға шығуға қорқатындарын айтқан. «Балалардың басына плитка құлап кетеді деп қауіптеніп, далаға шығармаймыз. Сондай-ақ өрт қауіпсіздігі жүйесі де жоқ, қорқынышпен өмір сүрудеміз. Өзіміздің ТК плитка құлап кетеді деп қорықпай өмір сүргіміз келеді», - дейді тұрғындар.

Тұрғын-үй коммуналдық шаруашылығын жаңғырту бағдарламасы бойынша биыл 50-ден астам көппәтерлі тұрғын үй кешені, 100-ден аса жеделсаты жөнделеді және жаңасына ауыстырылады. Бұдан бөлек, 2020 жылы 800 отбасы апаттық ескі үйден жаңа пәтерге көшіріледі.

«Биыл ауқымды жұмыс атқарылады, ТК қаптамасы тұрғындарға қауіп төндірмеуі тиіс. «Орбита» және «Территория комфорта» тұрғын үй кешендерінің салынғанына көп болмаса да, жел тұрған сайын плиткасы құлай бастайды, витраждары дұрыс орнатылмаған және т.б. Қазір жөндеу басталды: қаптамасын ауыстырып, витраждарды қайта монтаждаймыз, сондай-ақ өрт қауіпсіздігі жүйесі мен жылыту жүйесін жөндеп, басқа да мәселелерді шешетін боламыз», – деді елорда әкімі Алтай Көлгінов.

Соңғы жаңалықтар

Ұлы Жамбыл мұрасы ұлықталды

Руханият • Бүгін, 00:33

Ұқсас жаңалықтар