Құрылыс және ТКШ істері комитеті «ТКШ ҚазОрталығы» АҚ-мен бірлесіп пилоттық режимде енгізілетін «Е-Құрылыс» және «Е-Шаңырақ» жобаларын ұсынды. Сондай-ақ, көрсеткіштерді алыстан бере отырып, есептегіштерді приборлау мәселелері, олардың артықшылықтары мен жалпыүйлік есептеу құралдарын орнатудан түсетін әсері талқыланды.
Тұжырымдаманы тиімді іске асыру бойынша жергілікті атқарушы органдардың уәкілетті өкілдері өз сұрақтарын қойып, мазмұнды жауаптар алды.
Сондай-ақ, кеңес барысында «Мемградкадастр» РМК бас директоры Т. Мұсабаев сөз сөйледі, ол әкімдіктермен бірлесіп инженерлік коммуникациялық пункттерді түгендеу және қала құрылысы деректерінің базасын қалыптастыру бойынша жүргізіліп жатқан жұмыстарды атап өтті.
Естеріңізге сала кетейік, «Smart City» құру мақсаты халықтың өмір сүру сапасын жақсарту және қалалық инфрақұрылымға ақпараттық-коммуникациялық технологияларды енгізу арқылы Қалалық қызметтер жұмысының тиімділік деңгейін арттыру болып табылады.
Министрлік өңірлермен бірлесіп Құрылыс және ТКШ салаларын цифрландыру бойынша маңызды жүйелі жұмыс жүргізуде.
