Қазақстан • 08 Маусым, 2020

Қазақстандықтар мемлекеттік рәміздерді жақсы біле ме?

59 рет көрсетілді

Қазақстан Республикасының Мемлекеттік рәміздері күніне орай «Зор Рух» қайырымдылық қоры Алматы қаласының әкімдігімен бірлесе отырып, «Отбасы институты» жобасы аясында жастар мен балалар арасында онлайн іс-шаралар өткізді.

Мысалы, әлемнің түрлі елдерінің тулары мен мемлекеттік рәміздері туралы білім деңгейін анықтау үшін онлайн-викторина ұйымдастырылды. Сонымен қатар балалар мен жастар арасында «Рәміздер –­ менің мақтанышым» тақырыбында сурет байқауы өтті.

Викторинаға 283 қазақстандық қатысты. Қатысушылар онлайн режимде еліміздің Мемлекеттік рәміздері туралы 7 сұраққа жауап беріп, 10 тудың қай елдерге жататынын табу керек еді. Ойын соңында қатысушылар ұпайлар саны мен сұрақтардың дұрыс жауаптарын көре алды. Қатысушылардың пікірінше, викторина өте танымдық және қызықты өтті: «Сұрақтар үшін рахмет! Жалпы даму үшін, есте сақтау үшін пайдалы болды», «Рахмет! Өте қызықты болды», «Осындай тесттер көп болсын!».

Тестілеу нәтижесі бойынша орташа балл 82 пайызды құрды, бұл көрсеткіш жастардың Мемлекеттік рәміздері туралы жоғары білім деңгейін көрсетті. Алайда, қатысушылардың көпшілігі елтаңбаның төменгі бөлігінде орналасқан және ортасында Қазақстан сөзі бар киіз үйдің элементі қалай аталатынын білмеген. Бұл сұраққа дұрыс жауап тек 31% берді. Викторинаның барлық 17 сұраққа 47 қатысушылар дұрыс жауап бере отырып, ең жоғары балл жинады.

Сурет сайысына 80 талантты бала мен жасөспірімдер қатысты. Қатысушылар өз суреттерінде  Отанға деген сүйіспеншілігіне және шығармашылық қиялына сүйене отырып, «Рәміздер – менің мақтанышым» тақырыбын ашып көрсету керек болды. Ата-аналардың көпшілігі осы байқау карантин кезіндегі танымдық ойын-сауық ретінде балаларға өте пайдалы болғанын атап өтті: «Алақай! Осындай сайыс үшін рақмет! Балалар суреттерін үлкен қызығушылықпен салды», «Өте жақсы тақырып, балаларға арналған осындай іс-шаралар көп болсын», «Қызықты сайыс үшін алғыс айтамыз!», «Балалардың іші пысқан еді, конкурсқа қатысып интернеттен бастарын көтерді, сізге рахмет».

Байқау жеңімпаздарына балаларға арналған мектеп жиынтықтары, ал жастарға пайдалы гаджеттер беріледі.

 

 

АЛМАТЫ

Соңғы жаңалықтар

ҚТЖ: Тағы бір басшы ұсталды

Аймақтар • Бүгін, 10:47

Пневмониядан 3 адам қайтыс болды

Коронавирус • Бүгін, 09:25

Жеке рекордын жаңартты

Спорт • Бүгін, 09:03

Арқа көкпаршылары атқа қонды

Аймақтар • Бүгін, 09:02

Топжарған «Торпедо»

Спорт • Бүгін, 08:59

«Қара пантера»

Спорт • Бүгін, 08:58

Жамбылдық жомарт түлектер

Аймақтар • Бүгін, 08:55

Сөз сойыл №100

Қоғам • Бүгін, 08:52

Дәрігерлерге тарту

Театр • Бүгін, 08:50

Үнемді өндіріске – үлкен қадам

Экономика • Бүгін, 08:44

Қазақы болмысты Хәрри Поттер

Әдебиет • Бүгін, 08:39

Ұқсас жаңалықтар