«Бұрын көрсетілетін қызметті тек жеке тұлғалар ғана пайдалана алатын болса, қазір ол заңды тұлғалар үшін де қолжетімді. Бұл оны алу процесін жеңілдетеді. Порталды пайдалана отырып, азаматтар мекемеге бармай-ақ, рәсімдеу арқылы көп уақытын үнемдейді», дейді «Ұлттық ақпараттық технологиялар» АҚ басқарма төрағасы Әсет Тұрысов.
Сатып алуға мәміле жасағаннан кейін автосалон өкілі автокөлік құралын eGov.kz порталында тіркеуге өтінімді ресімдеуі тиіс. Өтінім беру процесінде автосалон өкілі автомобильдің техникалық талаптарын енгізеді, құжаттар қоса тіркеледі, БСН көрсетіледі. Бұдан әрі өтінімге ЭЦҚ қол қойылады және сатып алушының жеке кабинетіне жіберіледі. Сатып алушы осы өтініммен Жеке кабинетте танысып, өз автомобилі үшін мемлекеттік нөмірлік белгіні таңдау, мемлекеттік баж салығын және тіркеу алымын төлеуі, машинаны иелену құқығын растайтын құжатты, өкілдің өкілеттігін растайтын сенімхатты тіркеуі, өтінімді электронды цифрлы қолтаңбамен қол қойып растауы қажет.
Қызмет көрсету нәтижесі көрсетілетін қызметті алушының «жеке кабинетіне» жіберілген өтінімді орындау туралы хабарлама немесе дәлелді бас тарту болмақ. Қазақстанда өндірілген және кедендік тазалаудан өтпеген көлік құралдары, Ішкі істер министрлігінің көрсетілетін қызмет иесінің талаптарына сәйкес, осы көрсетілетін қызметтің тізбесіне кірмейтінін атап өтеміз.
Айта кеткен ләзім, «Ұлттық ақпараттық технологиялар» АҚ «Электронды үкіметтің» ақпараттық-коммуникациялық инфрақұрылымының және мемлекеттік органдардың бірыңғай көлік ортасының операторы, сондай-ақ орталық пен өңірлік мемлекеттік органдардың ақпараттық жүйелеріне жүйелі-техникалық қызмет көрсетуді жүзеге асырады.
