Абай • 12 Маусым, 2020

«Толық адам» ілімі мектептерде оқытылмақ

101 рет көрсетілді

Жақында Өскемендегі С.Аманжолов атындағы Шығыс Қазақстан мемлекеттік университетінде Абай Құнанбайұлының 175 жылдығына орай «Абай және әлемдік өркениет» тақырыбында халықаралық ғылыми-тәжірибелік конференция өтті. Елдегі қалыптасқан жағдайға байланысты онлайн-режімде ұйымдастырылған шараға Түркия, Нидерланд, Польша мемлекеттерінің ғалымдарымен қатар еліміздегі көрнекті абайтанушылар қатысып, ойларын ортаға салды.

Өскемендегі «Абайтану» ғылыми-зерттеу институтының директоры Айжан Картаева модераторлық еткен конференцияны университет ректоры Мұхтар Төлеген кіріспе сөзімен ашып, абайтанудың білгірі, көрнекті ғалым Мекемтас Мырзахметұлын 90 жасқа толған мерейтойымен құт­тықтап, құрметтеп сөз кезегін ұсын­ды. Ме­кемтас Мырзахметұлы Абай­дың Ба­тысынан Шығысы басым екендігін нақты тұжырымдармен дәлелдей отырып ақынның «Толық адам» іліміне кеңінен тоқталды. Ға­лымның пікірінше, бұл еңбекті тек қазақ халқы емес, алдымен түркі әлемі, кейін бүкіл Еуропа іздеп жүріп оқитын болады. Түркияның Фырат университетінің профессоры Ержан Алкайя «Ұлы Абай түркі әлемінде» тақырыбында тұщымды баяндама жасап, Абай Құ­нанбайұлының түркі әлемі әде­биетіндегі орны туралы сөз қозғады. Түркиядағы һәкім атындағы мектеп­тер, көшелер, сая­бақтар мен ескерткіштер, өмірі мен шығармашылығы туралы жарық көр­ген кітаптар, жазылған диссертация­лар мен мақалаларды таныс­тырды. Бүгінде Нидерланд елінде тұ­ратын PhD доктор, профессор Зифа Мұратқызы Әуезова Абай өлеңдері мен әндерінің ағылшын тіліне аударылуы жайын сөз етті. Ғалымның айтуынша, ұлы ақын шығармаларын өзге тілдерге аударғанда орыс тіліне қарағанда, түп­­нұсқамен жұмыс істеу қазақ яғни тіліндегі нұсқасын аудару тиімді. Поль­шаның Варшава университетінің саяси ғылымдар және халықаралық қатынастар факультетінің доктаранты Жандос Қарынбаев «Құнанбай әулеті және поляк зиялылары: көпқырлы байланыстардың жылнамасына шо­лу» тақырыбында баяндама оқып, сол елдегі қазақтарға, соның ішінде Шығыс Қазақстанға, Құнанбай әуле­тіне қатысты жинақталған деректерді кө­рермен назарына ұсынды.

 

ӨСКЕМЕН

 

Соңғы жаңалықтар

Қазақтың Қыз Жібегі

Руханият • Кеше

Азаттық архитекторы

Елбасы • Кеше

Ақ боранның азаптары

Аймақтар • Кеше

Ұқсас жаңалықтар