Англия Премьер-лигасында қалуды жөн санаған Вирджил осыған дейін аптасына 200 мың евро алып келсе, енді 245 мың евро алатын болады. Осылайша, оның есімі "Ливерпуль" сапындағы жалақысы ең жоғары ойыншы ретінде тарихта қалды. Бұған дейін көшбасында – Мұхаммед Салах еді. Мысырлық шабуылшының апталық еңбекақысы 222 мың евроны құраған еді.
8 шілдеде 29 жасқа толғалы отырған Вирджил ван Дейк Нидерландтың Бреда қаласында туып-өсті. Бойы – 193 сантиметр, салмағы – 92 кило. Футбол әліппесін өзінің туған қаласында үйреген ол есейе келе Нидерландтың "Гронинген", Шотландияның "Селтик" және Англияның "Саутгемптон" клубтарында ойнады. 2008 жылы "Ливерпульдің" жейдесін киді.
2015 жылдан бері Нидерланд ұлттық құрамасын намысын қорғап жүрген Вирджил ван Дейк 33 рет жасыл алаңға шығып, 4 голдың авторы атанды. 2019 жылы Португалияда өткен Ұлттар лигасы додасында өз командасымен бірге күміс медальді иеленді.
