Қазіргі уақытта көп қабатты үйлердің аулалары, адамдар көп шоғырланатын жерлер, демалыс паркі, дүкендер мен сауда орындары және аялдамалар гипохлорид кальций ерітіндісі қосылған қоспамен дезинфекциялануда.
Карантин басталғалы бері қала аумағында 6 миллион шаршы метрге жуық жерге залалсыздандыру жұмыстары жүргізіліп, бұған 28 арнайы техника, 200-ге жуық қызметкер тартылды.
Осы бағыттағы жұмыстарды күшейту мақсатында облыс орталығында тағы 8 бірдей залалсыздандыру тоннелі орналастырылды. Олар үлкен сауда орындары мен №2 Мұрагер мектебінің ауласына, Қорқыт Ата атындағы ҚМУ-дың ғимараттары жанына және қалалық мәдени және демалыс паркіне қойылды.
