Футбол • 16 Маусым, 2020

Рестартты жеңіспен бастады

7 рет көрсетілді

Коронавирус пандемиясына байланысты уақытша тоқтатылған Испания Ла Лигасы 11 маусымда қайта жалғасты. Турнир кестесінде көш бастап тұрған «Барселона» мен «Реал» рестартты жеңіспен бастады.

98 күннен кейін алғашқы ойынын өткізген «Барселона» клубы футболды сағынып қалғаны анық байқалды. Месси бастаған команда «Мальорка» клубымен кездесіп, жауап­сыз төрт доп соқты. Ойынның екінші минутында Артуро Видаль есепті ашса, 37-минутта Мартин мергендігімен көзге түсті. Екінші таймда Альба таблодағы көрсеткішті 3:0-ге жеткізсе, Лионель Месси ойынның нүктесін қой­ды. Месси кейінгі екі голдың ассистенті болғанын да айта кетейік.

Мадридтің «Реал» командасы «Эстадио Альфредо Ди Стефано» стадионында «Эйбар» клубын қабылдап, 3:1 есебімен басым түсті. Корольдік клуб кездесу тағдырын бірінші таймда-ақ шешіп тастады. 4-минутта Тони Кроос айып добынан кейін есепті ашса, 30-минутта Серхио Рамос өзі бастаған шабуылды нәтижелі аяқтады. Арада жеті минут өткенде Марсело командасының үшінші голын соқты. Ал «Эйбар» командасынан екінші таймда Бигас бір голмен жауап қатты.

Турнир кестесінде «Барселона» 61 ұпаймен көш бастап келеді. Екінші орындағы «Реал» командасында 59 ұпай бар.

 

Соңғы жаңалықтар

Қазақтың Қыз Жібегі

Руханият • Кеше

Азаттық архитекторы

Елбасы • Кеше

Ақ боранның азаптары

Аймақтар • Кеше

Ұқсас жаңалықтар