Науқастардың дене қызуы көтеріліп, жөтел, әлсіздік, тамақ ауруы белгілері байқалған. 10 пациент бұған дейін анықталған КВИ жағдайымен тұрғылықты жері мен жұмыс орны бойынша байланыста болғандықтан тексерістен өткен.
Екеуі облыс орталығына Нұр-Сұлтан және Шымкент қалаларынан келген. ПТР- зерттеу барлығында COVID-19 ды анықтады.
Барлығы Павлодар қаласының инфекциондық стационарына жатқызылды. Жағдайлары бірқалыпты. Хаттамаға сәйкес ем тағайындалды. Байланыста болуы мүмкін адамдар тобы анықталды. ҰСО филиалы мамандарының күшімен ошақтарда қорытынды дезинфекция жүргізілді. Өңірде эпидемияға қарсы шаралар жалғасып жатыр. Бүгінгі күні, 17 маусымдағы жағдай бойынша Павлодар облысында коронавирус инфекциясымен ауырған 437 жағдай тіркелген.
