Әлем • 18 Маусым, 2020

Германияда бір күнде 580 адам коронавирус жұқтырды

178 рет
көрсетілді
1 мин
оқу үшін

Германияда жаңа типті коронавирус инфекциясын бір күнде 580 адам жұқтырып үлгерді. Оның 26-сы қайтыс болды. Бұл туралы Федералды денсаулық сақтау министрлігінің қарамағындағы Роберт Кох институты хабарлайды, деп жазады Egemen.kz

Германияда бір күнде 580 адам коронавирус жұқтырды

Осыдан бір күн бұрын 345 жаңа инфекция тіркеліп, оның 30-ы ауыр диагнозбен қайтыс болған еді. Бүгінде Германияда індеттің 187 764 жағдайы анықталса, оның 85 856 науқас қайтыс болған. Сондай-ақ 174 мыңнан астам адам сауығып кетті.

Инфекцияның таралу аймағы бойынша Баварияда (47,747), Солтүстік Рейн-Вестфалияда (39,777) және Баден-Вюртембергте (35 218) тіркелді. Соның ішінде Берлинде 7 475 инфекция анықталды.

Дүниежүзілік денсаулық сақтау ұйымы 11 наурызда пандемиямен жаңа коронавирус инфекциясының басталғанын хабарлаған болатын. ДДҰ-ның соңғы мәліметтері бойынша, әлемде 8 млн-нан астам инфекцияның жағдайы анықталып, 440 мыңнан астамы қайтыс болды.