Бейнеконференцияда көтерілген мәселелердің бірі – футзалдан Чемпиондар лигасының алдағы уақыттағы кестесі мен регламенті және шешуші сайыстардың өтетін жерін таңдау. Соған сәйкес аталмыш жарыстың биылғы маусымдағы жартылай финалы, үшінші орын үшін тартыс және финалдық сайысы 8-11 қазан аралығында Испанияның Барселона қаласында ұйымдастырылатын болды.
Естеріңізге сала кетейік, биыл Чемпиондар лигасының жартылай финалында мына командалар өзара күш сынасады: "Барса" (Испания) – КПРФ (Ресей) және "Мурсия" (Испания) – "Тюмень" (Ресей). Осы жұптардың жеңімпаздары бас жүлде үшін таласса, жеңілгендері қола медаль үшін күш сынасады.
