Спорт • 19 Маусым, 2020

Мәнерлеп сырғанаудан әлем чемпионаты Стокгольмде өтеді

17 рет көрсетілді

2021 жылғы мәнерлеп сырғанаудан әлем чемпионаты Швецияның астанасы – Стокгольмде өтуі мүмкін.  Кеше Халықаралық конькишілер одағы (ISU) осындай шешім қабылдады, деп жазады Egemen.kz

Былтырғы дүниежүзілік дода Жапонияның Сайтама қаласында ұйымдастырылған еді. Ерлер арасындағы жарыста АҚШ-тың өкілі Нэтан Чен теңдессіз деп танылды. Күміс медальді жапондық Юдзурю Хану иеленсе, тағы бір америкалық спортшы Винсент Чжоу қолаға қол созды. Әйелдер сайысында ресейлік Алина Загитова алтыннан алқа тағынса, Евгения Медведева үшінші сатыға жайғасты. Ал күміс медальді қазақтың қызы Элизабет Тұрсынбаева олжалады.

Спорттық жұптар сайысында бас жүлде қытайлық Суй Вэнцзинь мен Хан Цунь бұырса, Ресейдің қос жұбы – Евгения Тарасова мен Владимир Морозов және Наталья Зибяко мен Александр Энберт екінші және үшінші орындарды өзара бөлісті. Бишілер бәсекесінде франциялық Гарбриэла Пападакис пен Гийом Сизерон алдарына жан салмаса, ресейлік Виктория Синицина мен Никита Кацапалов және америкалық Мэдисон Хаббелл мен Захари Донохью жүлдегерлер қатарына қосылды.   

 

Соңғы жаңалықтар

Қазақтың Қыз Жібегі

Руханият • Кеше

Азаттық архитекторы

Елбасы • Кеше

Ақ боранның азаптары

Аймақтар • Кеше

Ұқсас жаңалықтар