Қазақстан • 19 Маусым, 2020

Жерді пайдалану мен қорғауды мемлекеттік бақылау мәселелері талқыланды

521 рет
көрсетілді
1 мин
оқу үшін

Ауыл шаруашылығы министрлігінде "Қазақстан Республикасының кейбір заңнамалық актілеріне жерді пайдалану мен қорғауды мемлекеттік бақылауды жетілдіру мәселелері бойынша өзгерістер мен толықтырулар енгізу туралы" заң жобасы бойынша қоғамдық тыңдау өтті, деп хабарлайды ҚР АШМ баспасөз қызметі.

Жерді пайдалану мен қорғауды мемлекеттік бақылау мәселелері талқыланды

Карантин режіміне байланысты қоғамдық тыңдау бейнеконференция түрінде өткізілді. Шараға Ауыл шаруашылығы вице-министрі Рүстем Құрманов, министрліктің қызметкерлері, қоғамдық ұйымдардың, жергілікті атқарушы органдар мен облыстардың шағын және орта бизнесі өкілдері, шаруа қожалықтарының басшылары қатысты.

Заң жобасымен Ауыл шаруашылығы министрлігі Жер ресурстарын басқару комитетінің төрайымы Гүлжахан Бимендина таныстырды. Баяндама барысында негізгі жоспарлар мен тиісті заңнамаға енгізілетін жаңалықтар туралы айтылды. Сараптамалық пікірді "Атамекен" ҰКП Құрылыс және жер қатынастары  департаментінің директоры Назира Үсенова және заңгер, жер құқығы саласындағы тәуелсіз сарапшы Бақытжан Базарбек айтты.

Заң жобасын талқылау барысында аймақ тұрғындарына сұрақ қою мүмкіндігі берілді. Айта кетейік, қоғамдық тыңдау Ауыл шаруашылығы министрлігінің Facebook-тегі ресми парақшасында тікелей эфирде көрсетілді.

Соңғы жаңалықтар

Нағыз ғалым еді...

Тұлға • 13 Шілде, 2024

Аурухана жағдайымен танысты

Саясат • 13 Шілде, 2024

Әскерилерді әлеуметтік қолдау

Саясат • 13 Шілде, 2024

Базалық мөлшерлеме төмендетілді

Экономика • 13 Шілде, 2024

Көршінің наны

Қоғам • 13 Шілде, 2024