Кәсіпқой бокс • 22 Маусым, 2020

Төрт жұп топ алдына шығады

10 рет көрсетілді

18 шілдеде Алматыда MTK Global компаниясының ұйымдастыруымен кәсіпқой бокс кеші өтетінін бұған дейін жазған едік. Бүгінде сол кеште өнер көрсететін төрт жұп анықталды.

Жалпы, Алматыдағы жекпе-жекте тек қазақстандық боксшылар жұдырық­тасады. Мәселен, басты жекпе-жекте шаршы алаңда әлі ешкімнен жеңілмеген қазақтың екі мықтысы – Дәурен Елеусінов пен Ар­ман Рысбек бақ сынасады. Екеуінің де әуесқойлар арасында қол жеткізген табыстары елеулі. Бір қызығы, әуесқой бокс­та олар бір-бірімен екі жекпе-жек өткі­зіп, екеуі де бір-бір мәрте жеңіске жеткен.

Сондай-ақ жуырда ғана кәсіпқой бокс­қа ауысқан жасөспірімдер арасындағы Олим­пиаданың күміс жүлдегері Талғат Шәйкен кәсіпқой бокста бес жекпе-жек өткізіп, барлығын жеңіспен аяқтаған Берікбай Нұрымбетовпен, ал Азия чемпионы Тұрсын­бай Құлахмет Сағадат Рақманқұлмен жұды­рықтасады. Сағадат бүгінге дейін алты рет шар­шы алаңға шығып, төрт рет жеңіске жетіп, екі рет жеңілген.

Төртінші жұпта Сапарбай Айдаров пен Абай Төлеш кім мықтыны анықтайды. Екеуі де өте тәжірибелі боксшылар. Әуес­қой бокста С.Айдаров 2013 жылы 75 кило­да ел чемпионы атанса, А.Төлеш те осы салмақта 2017 жылы топ жарған. Кәсіп­қой рингте Абай бес кездесу өткізіп, барлығында үстемдік танытты. Сапарбай да жеңілістің кермек дәмін татқан емес. Төрт жекпе-жектің екеуінде ол қарсыласын нокаутқа жіберді.

 

Соңғы жаңалықтар

Қай салада жалақы өсті?

Экономика • Бүгін, 11:45

Ұқсас жаңалықтар