Аймақтар • 22 Маусым, 2020

Түркістанда соңғы бір айда 423 науқас өкпе қабынуынан емделіп шықты

146 рет
көрсетілді
1 мин
оқу үшін

Түркістан облысында "COVID-19" індетіне шалдыққандарды оқшаулауға арналған 270 орын бар болса, соның бүгінде 164-інде науқастар ем қабылдауда. Бұлардың дені коронавирус індетін жұқтырып немесе жұқтырғандармен тығыз қарым- қатынаста болғандар, - деп хабарлайды Egemen.kz.

Түркістанда соңғы бір айда 423 науқас өкпе қабынуынан емделіп шықты

Облыстық қоғамдық денсаулық басқармасы басшысының орынбасары Нұрхан Нарымбетова мәлім еткендей, коронавирус індетіне ұқсас белгілері бар ауруға шалдыққандарды қабылдайтын қосымша 885 адамға арналған орында бүгінде 962 адам ем-дом қабылдауда. Олардың басым көпшілігінде коронавирус дерті анықталмаған. Яғни пневмония, ЖРВИ секілді детке шалдыққандар. Сондай-ақ, Түркістан облысында 124 жедел жәрдем бригадасы күндіз-түні тоқтаусыз жұмыс істеуде.

Айта кетейік, өткен жылдың бес айында облыста өкпе қабыну дертімен 9735 адам науқастанып, жазылып шыққан. Биылдың 5 айында 7749 науқас өкпе қабынуы диагнозымен ауруханаға жатқызылып, олардың бәрі тегіс ауруынан толық айыққан. Ал 22 маусымға дейінгі дерек бойынша осы дертпен ем қабылдаған 461 науқастың 423-і емделіп шыққан.