Сан-Себастьян қаласында өткен матчта 2:1 есебімен «Реал» жеңіске жетті. Ойындағы үш голдың үшеуі де екінші таймда соғылды. 50-минутта «Реал» капитаны Серхио Рамос пенальтиден есепті ашса, 70-минутта Карим Бензема командасының екінші голын соқты. Ал 83-минутта алаң иелерінен Микель Мерино бір голмен жауап қайтарды.
Бұл жеңістен кейін мадридтік клубтың ұпайы «Барселонамен» теңесті. Бірақ Зиданның командасы өзара ойында Каталония командасынан басым түскені үшін Испания чемпионатында топ бастады. Екі команданың қоржынында 65 ұпай бар. Ал 47 ұпайы бар «Реал Сосьедад» алтыншы орында қалып қойды.
Айта кетейік, «Барселона» бұл турда «Севильямен» тең түсіп (0:0), маңызды екі ұпайынан айырылып қалды.
