Қоғам • 23 Маусым, 2020

Биыл қазақстандықтар қажылыққа бара алмайды

544 рет
көрсетілді
2 мин
оқу үшін

Әлемді шарпыған коронавирус кеселіне байланысты биыл қажылыққа келушілер көлемін айтарлықтай шектеледі, - деп хабарлады ҚМДБ баспасөз қызметі.

Биыл қазақстандықтар қажылыққа бара алмайды

"Коронавирус індеті әлемнің 180-ден астам еліне таралып, COVID-19 вирусынан ажал құшқандар саны 1 миллионға жетті. Одан бөлек 7 миллион адамның вирус жұқтырғаны белгілі болды. Осыған орай Сауд Арабиясының Денсаулық сақтау министрлігі пандемиядан туындаған қауіп-қатердің алдын алу және оның таралуына жол бермеу, сондай-ақ жаһандық денсаулық сақтау ұйымдарының талаптарын ескере отырып биылғы қажылық рәсіміне бірқатар шектеу қойды.

Сауд Арабиясы Корольдігінің басты міндеті – мұсылман қажыларға қажылық және ұмра рәсімдерін қауіпсіз және қауіпсіз орындауға әрқашан мүмкіндік беру. Пандемия басталғаннан бері қажыларды қорғау үшін барлық сақтық шаралары қабылданып, қасиетті орындарға сырттан келушілер шектелді.  Қасиетті жерлерде жүрген қажылардың қауіпсіздігін қамтамасыз ету мақсатында, Ислам елдері мен және халықаралық ұйымдардың талаптарын ескере отырып, шектеулерді әрі қарай күшейте түстік. Себебі бізге салдары өлімге әкелетін қауіпті індеттің алдын алу маңызды.

Коронавирус инфекциясы адамдар көбірек жиналатын орындарда, үлкен жиындарда таралатыны дәлелденіп отыр. Сондықтан да биылғы 1441 жылдың (2020 жыл) қажылық рәсімі Сауд Арабиясында тұрып жатқан өте аз көлемдегі адамдардың қатысуымен ғана өтетіні жайлы шешім қабылданды. Бұл шешім қауіпті вирустың алдын алу және қажылардың денсау сақтау мақсатында жасалып отыр.

Айта кетейік, бүгінде Сауд Арабиясы коронавирус індетін жұқтыру дерегі бойынша араб елдері арасында алғашқы орында тұр. Бұл елде 160 мыңнан астам адамның қауіпті вирус жұқтырғаны белгілі болды", - делінген хабарламада.