Технология • 23 Маусым, 2020

Apple комппаниясының жаңа өнімдері таныстырылды

353 рет көрсетілді

Кеше Калифорниядағы Сан-Хосе қаласында WWDC 2020 конференциясы тұңғыш рет онлайн түрде өтті. Бұл шарада Apple комппаниясының көптеген қызықты жаңа өнімдері таныстырылды, - деп жазады Egemen.kz

Енді Mac құрылғылары тек Apple Silicon атты процессорлармен ғана шығатын болады. Компания бұған дейін Intel өнімдерін пайдаланатын еді.

Бұл iPhone немесе iPad-тарға қойылатын ARM-чип емес, бұл әзірге теңдессіз анағұрлым күшті процессорлар екені айтылуда. Apple A4-тен бастап A13-ке дейін чипсеттер жасауды өзі жүзеге асырып, осы уақыт аралығында тиімді процессор жасауды әбден меңгерді. Осы кезеңде iPhone-ның өнімділігі 100 есеге артқан. Сол себепті компанияның жаңа өнімі ең үздік процессор болуға лайық.

Жаңа операциялық жүйе iOS 14 көрсетілді. Жүйе әр жаңарған сайын Стив Джобс ізбасарлары оған елеулі жаңалық енгізіп отырады. Енді гаджеттегі қолданбалар аутоматты түрде топтастырылады. Оған қоса өлшемдері әр түрлі ауа райы немесе сағат сияқты виджеттерді экранға қолданушы өзі қоя алады. Siri атты көмекші бұдан былай 20 есе жылдам жұмыс істейтін болыпты.

Компьютер мен ноутбукке арналған macOS Big Sur деп аталатын жаңа операциялық жүйенің тұсауы кесілді. Ол дизайн жағынан жаңарған және интерфейсі барынша мобильді iOS жүйесіне ұқсатып жасалған. Жүйеде виджеттердің өлшемін өзгертуге болады. Safari браузері енді 50 пайызға жылдам жұмыс істейді және оның көптеген фунционалдық мүмкіндіктері жетілдірілген.

Сонымен бірге Apple компаниясының қол сағат түріндегі гаджеттері мен планшеттері үшін жаңадан watchOS 7 және iPadOS 14 сияқты жаңа операциялық жүйелердің шыққаны және AirPods құлаққабының жетілдірілгені айтылды.

Соңғы жаңалықтар

Теңге қымбаттайды

Қаржы • Кеше

Италияда тоғыз жүлде алдық

Спорт • 07 Наурыз, 2021

«Барыс» ұтылып қалды

Спорт • 06 Наурыз, 2021

Елдос Сметов күміс алды

Спорт • 06 Наурыз, 2021

Ұқсас жаңалықтар