Қоғам • 24 Маусым, 2020

Жедел медициналық көмек қызметкерлері 2 млрд теңгеден астам қосымша төлем алды

294 рет
көрсетілді
1 мин
оқу үшін

Мамыр айында 11 823 жедел медициналық көмек қызметкері 2 млрд теңгеден астам сомада қосымша төлем алды. Бұл туралы Ұлттық шұғыл медицинаны үйлестіру орталығы басқарма төрағасының міндетін атқарушы Бауыржан Жүсіпов мәлімдеді, - деп хабарлайды Egemen.kz.

Жедел медициналық көмек қызметкерлері 2 млрд теңгеден астам қосымша төлем алды

"Президенттің тапсырмасын орындау мақсатында коронавирусқа қарсы күрес шеңберінде эпидемияға қарсы іс-шараларды жүргізуге тартылған медицина қызметкерлерін ынталандыру және қолдау үшін жедел медициналық көмек қызметкерлеріне қосымша төлемдер жүзеге асырылады. Осы жылдың мамыр айында 11 823 жедел медициналық көмек қызметкері 2 млрд теңгеден астам сомада қосымша төлем алды", - деді Ұлттық шұғыл медицинаны үйлестіру орталығы басқарма төрағасының міндетін атқарушы Бауыржан Жүсіпов.

Сондай-ақ, ол коронавирустық инфекциясы бар ауыр пациенттерді емдеуді дер кезінде түзету және жедел медициналық көмек көрсету мақсатында республикалық ғылыми орталықтардың профессорлары мен бейінді сарапшылары Ұлтттық шұғыл медицинаны үйлестіру орталығының базасында өңірлерде пациенттерді емдеу тактикасы бойынша телеконсультациялар жүргізетінін айтты. Барлық кезеңде барлығы 6 000-нан астам телеконсультация жүргізілген.

Жалпы, жедел медициналық көмек көрсетудің қолжетімділігі мен уақтылығын жақсарту бойынша жұмыс жалғаса береді.