Қоғам • 24 Маусым, 2020

Ауылдағы 80 мың отбасы "Birgemiz" қорынан көмек алады

196 рет көрсетілді

Бұл туралы "Nur Otan" партиясы Төрағасының бірінші орынбасары Бауыржан Байбек Instagram парақшасындағы бүгінгі жазбасында айтты, - деп хабарлайды Egemen.kz.

"Құрметті достар! Партиямыздың Лидері Нұрсұлтан Назарбаевтың тапсырмасы бойынша "Birgemiz" қоры таяу уақытта біржолғы атаулы көмек көрсетудің төртінші кезеңін ұйымдастырады. Елбасының бастамасы бойынша көмек Қамқоршылар кеңесінің шешімімен еліміздің ауылдық елді мекендеріндегі аса мұқтаж 80 мың отбасыға бағытталады.

Тұңғыш Президенттің үндеуіне қолдау білдірген ақжүрек меценаттарымыздың арқасында қорға 28 миллиардтан астам қаражат жиналды. 23 ірі қалада, сондай-ақ оларға іргелес шағын қалалар мен ауылдарда 470 мыңнан астам отбасы 50 мың теңгеден алды.

Сонымен қатар мұндай материалдық көмек коронавируспен күреске жұмылдырылған медицина қызметкерлерін қолдауға және әлеуметтік жағынан әлсіз 100 мың отбасыны тегін маскамен қамтамасыз етуге бағытталды.

Түркістан облысының Мақтаарал ауданындағы су басудан зардап шеккен Достық ауылының тұрғындарына арнап салынып жатқан жаңа үйлердің құрылысы биылғы шілде айының ішінде-ақ аяқталады.

Мемлекет басшысы Қасым-Жомарт Тоқаев кеше "BIZ BIRGEMIZ" жалпыұлттық онлайн-форумында атап көрсеткендей, ынтымақтастық, қажырлылық және жанашырлық – халқымыздың дәстүрлі құндылықтары. Төл тарихымызда ұшырасқан аса ауыр сынақтарды еңсеруде де нақ осы қасиеттер көмектескен болатын.
Баршамызға ортақ ауыртпалықпен күресте біздің бірлігіміз бұдан да бекем бола түспек. Енді қоғамымыздың жаңа ұраны – "Біз біргемі"», - деп жазды Бауыржан Байбек.

Соңғы жаңалықтар

Шекараның шебі берік

Қазақстан • Кеше

Бақыт министрлігі

Қоғам • Кеше

Электр желілері тозып тұр

Экономика • Кеше

Шығын көбейсе, тариф өседі

Экономика • Кеше

Ұлт ұстазының ұлағаты

Ахмет Байтұрсынұлы • Кеше

«Қылмыскер» қалам

Өнер • Кеше

Бетховеннің өмірі

Өнер • Кеше

Алан алған 15-ші жүлде

Теннис • Кеше

Ұқсас жаңалықтар